Հաճախ տրվող հարցեր

• Կարո՞ղ են ծրագրին դիմել ազգությամբ ոչ հայերը:

  Այո՛, եթե առաջարկվող ծրագիրն սպասարկում է Սփյուռքի տարբեր համայնքներում ապրող հայերին:

• Արդյո՞ք ծրագրին կարող են դիմել Հայաստանում բնակվող հայերը:

  Այո՛, կարող են, եթե դիմում են Սփյուռքում ապրող հայի կամ հայերի հետ համագործակցությամբ:

• Արդյո՞ք ծրագրին դիմելու համար կան տարիքային սահմանափակումներ:

  Դիմորդի 18 տարին պետք է լրացած լինի: Մինչև 30 տարեկան երիտասարդները մեր ծրագրի հիմնական թիրախն են, սակայն մենք կդիտարկենք դիմումներ բոլոր տարիքի մարդկանց կողմից:

• Արդյո՞ք ծրագրին կարող են դիմել Սփյուռքի տարբեր համայնքների ներկայացուցիչները միասին: (օր.՝ Լոս Անջելես և Նյու Յորք, Բեյրութ և Հալեպ, և այլն)

  Այո՛, տարբեր համայնքների համագործակցությունը խրախուսվում է և կունենա առավելություն:

• Արդյո՞ք իմ քաղաքացիության կարգավիճակը կարևոր է:

  Ո՛չ, ծրագրին դիմելու և մասնակցելու համար քաղաքացիության կարգավիճակը դեր չի խաղում:

• Արդյո՞ք ես կարող եմ դիմել միայնակ:

  Այո՛, սակայն մենք խրախուսում ենք հայկական Սփյուռքի տարբեր համայնքների միջև համագործակցություն:

• Արդյո՞ք կա դիմորդի կրթական մակարդակի պահանջ:

  Ո՛չ, կրթական բոլոր մակարդակների մարդիկ կարող են դիմել ծրագրին:

• Արդյո՞ք հայերենի (գերազանց) իմացությունը պարտադիր է ծրագրին դիմելու համար:

  Ո՛չ, թեպետ մենք գնահատում ենք Սփյուռքում հայոց լեզվի պահպանումը, սակայն այս ծրագրի շրջանակներում անգլերենը կլինի հիմնական լեզուն:

• Իմ անգլերենի գիտելիքները սահմանափակ են: Կարո՞ղ եմ դիմումը լրացնել արևմտահայերեն կամ արևելահայերեն:

  Հավասար պայմաններ ապահովելու համար մենք խրախուսում ենք, որպեսզի դիմում-հայտը լրացվի անգլերեն:

• Արդյո՞ք անհատը կամ կազմակերպությունը կարող է ուղարկել մի քանի դիմում-հայտ:

  Այո՛, դիմորդները կարող են ներկայացնել տարբեր գաղափարներ առանձին դիմում-հայտերով:

• Արդյո՞ք ես կարող եմ ընտրել իմ մենթորին:

  «Ուժեղ Սփյուռք» ծրագրի աշխատակիցները կընտրեն 20 ընտրված մասնակիցների մենթորներին՝ քննարկելով թեկնածությունները մենթորների հետ: Ծրագրի կազմակերպիչները կընտրեն մենթորներին՝ հաշվի առնելով մասնակիցների կրթությունը, փորձառությունը և հետաքրքրությունները: Մենք նպատակ ունենք այս ծրագրի մասնակցությունը դարձնել հետաքրքիր և անմոռաց բոլորիս համար: