Հրավիրում ենք ձեզ դառնալու մեր միջոցառումների հյուրն ու մասնակիցը Futures Studio քննարկումների հարթակում (Երևան, Բաղրամյան 6): Հայաստանի և հայության ապագայի ծավալուն թեմային են նվիրված պանելային քննարկումները, կլոր սեղանները, հրավիրված փորձագետների բանախոսությունները, գրքերի շնորհանդեսները, կինոցուցադրությունները և քննարկումները: Մասնակցությունը մեր միջոցառումներին անվճար է, և թեպետ տեղերի քանակը ստուդիայում սահմանափակ է, ժամանակակից տեխնոլոգիաները բոլոր ցանկացողներին հարթակ վիտուալ մուտքի հնարավորություն են տալիս: Futures Studio-ն ունի իր կանոնակարգը, հարթակում վարվեցողության որոշակի կանոններ են գործում, և մենք խնդրում ենք մեր հյուրերին նախապես ծանոթանալ դրանց: Մեր ցանկությունն է, որ միջոցառումների մասնակիցները հետագայում ինքնակազմակերպվեն աշխատանքային խմբերով, որպեսզի շարունակեն մտքերի փոխանակությունը և հետագա գործողությունների որոշակի առաջարկություններ ու ծրագրեր ներկայացնեն:
Մենք անհանգստությամբ և հույսով ենք հետևում Արցախում տեղի ունեցող զարգացումներին և բացառիկ հնարավորություն ունենք ստանալու ամենավերջին տեղեկատվությունը պատերազմի մասին` հանրապետության ռազմական և ազգային անվտանգության հարցերով փորձագետից, որն այժմ Ստեփանակերտում է:
Սեպտեմբերի 24-ին` Երևանի ժամանակով 17:00-ին (GMT+4) տեղի կունենա քննարկում Կ.Ստանիսլավսկու անվան ռուսական դրամատիկական թատրոնի տնօրեն, «Արմմոնո» միջազգային թատերական փառատոնի տնօրեն Մարիաննա Մխիթարյանի հետ։ Հանդիպումը կվարի ԱյԴիԱ Բարեգործական Հիմնադրամի մշակութային ծրագրերի ղեկավար Էլեոնորա Մալխասյանը։
Մենք հրավիրում ենք ձեզ մասնակցելու Բլեյր Շեփարդի «Տասը տարի` մինչև լիակատար մթություն. չորս հրատապ գլոբալ ճգնաժամեր և դրանց ռազմավարական լուծումները» գրքի ներկայացմանը, որը տեղի կունենա 2021 թվականի փետրվարի 5-ին: