Մեր մասին
Նուբար Աֆեյանի և Ռուբեն Վարդանյանի ստեղծած «Հայաստան 2041» հիմնադրամը տրամաբանորեն շարունակում է հիմնադիրների ջանքերը՝ ուղղված Հայաստանի և համայն աշխարհի հայության հզորացմանը։
«Հայաստան 2041»-ը գործում է «Աֆեյան նախաձեռնություններ Հայաստանի համար» (AIFA) հիմնադրամի շրջանակում, որն աջակցություն է ստանում «Աֆեյան» հիմնադրամից:
«Հայաստան 2041»-ը, որպես հարթակ, բաղկացած է մի շարք նախագծերից, որոնք կոչված են հավաքականորեն ապահովելու Հայաստանի ապագան և երկիրը վերածելու բարգավաճ ու առաջադեմ պետության, որը կկարողանա իր արժանի տեղը գրավել համաշխարհային թատերաբեմում։ Այն նպատակ ունի ըմբռնման համընդհանուր շրջանակ ստեղծելու Հայաստանի՝ որպես երկրի, և հայության՝ որպես ազգի կայուն զարգացման շուրջ։ Ահռելի անորոշության և հրատապ մարտահրավերների այս ժամանակներում նախաձեռնությունը ձգտում է խթանել միջազգային այնպիսի երկխոսություն, որը կկարողանա հանգեցնել Հայաստանի զարգացման ապագա տեսլականի փոխադարձ ըմբռնման։
Հավաքական այս նախաձեռնության սահմաններում մշակվել է ավելի քան 300 փորձագետի ներդրմամբ կազմված 15 նպատակների ցանկ, որոնք պետք է ծառայեն որպես Հայաստանի զարգացման հիմնասյուներ։ Այդ ջանքերի արդյունքում ստեղծվել է «ԱՊԱԳԱ ՀԱՅԿԱԿԱՆԸ» նախաձեռնությունը, որն այժմ անկախ հիմնադրամ է:
Դոկտոր Նուբար Աֆեյան
Դոկտոր Նուբար Աֆեյանը Flagship Pioneering ընկերության հիմնադիրն է և գլխավոր գործադիր տնօրենը։ Ընկերությունը բացառիկ ձեռնարկություն է, որը մարդու առողջության ու մարդկային կայուն զարգացման բարելավման նպատակով ծրագրում, ստեղծում, ռեսուրսներ է մշակում և զարգացնում կենսագիտական առաջնակարգ ընկերություններ: Բիոքիմիայի ինժեներ, ձեռներեց դր. Աֆեյանը գրանցել է 100-ից ավելի արտոնագրեր և իր աշխատանքային 33-ամյա գործունեության ընթացքում համահիմնել ու օգնել է հիմնելու կենսագիտական ու տեխնոլոգիական ավելի քան 60 նորաստեղծ ընկերություն։ Նա COVID-19 (կորոնավիրուս) գլոբալ համավարակի դեմ պայքարի շրջանակում ՌՆԹ պատվաստանյութեր արտադրող նորարարական առաջատար ընկերության՝ «Մոդերնայի» համահիմնադիրն ու նախագահն է և մի շարք մասնավոր ու պետական ընկերությունների խորհուրդների անդամ։
Խորապես հավատալով, որ ձեռներեցությունը հմտությունների և փորձառությունների ամբողջություն է, որը կարելի է դնել մասնագիտական հիմքերի վրա և սովորեցնել՝ դր. Աֆեյանը դասախոսել է Հարվարդի բիզնես դպրոցում և ավագ դասախոս է եղել Մասաչուսեթսի տեխնոլոգիական համալսարանում (MIT), որտեղ ավելի քան երկու տասնամյակ դասավանդել է տեխնոլոգիական ձեռներեցություն եւ նորարարություն։
Նա արժանացել է Համաշխարհային տնտեսական ֆորումի (WEF) «Տեխնոլոգիական առաջամարտիկ 2012» (Technology Pioneer 2012 ) մրցանակին, 2021 թ. հայրենի Լիբանանից պարգեւատրվել է Ազգային պատվո շքանշանով, 2016 թ. Կարնեգի կորպորացիայից ստացել է «Մեծ ներգաղթյալ» պատվավոր կոչումը (Great Immigrant honor) եւ 2008 թ. պարգեւատրվել է Էլիս Այլենդի Պատվո շքանշանով (Ellis Island Medal of Honor)։
Դոկտոր Աֆեյանը MIT կորպորացիայի (ինստիտուտը կառավարող մարմնի) և Բոստոնի սիմֆոնիկ նվագախմբի հոգաբարձուների խորհրդի անդամ է: Իր գործընկերների հետ միասին Աֆեյանը նախաձեռնել և աջակցել է բարեգործական ծրագրեր, որոնց թվում են «Հայաստանի զարգացման նախաձեռնություններ» (IDeA) հիմնադրամը, UWC Դիլիջան դպրոցը, Հայաստանի գիտության և տեխնոլոգիաների հիմնադրամը (FAST) և «Ավրորա» մարդասիրական նախաձեռնությունը՝ աշխարհի ամենահրատապ մարդասիրական խնդիրների նկատմամբ իրազեկություն բարձրացնելու համար: Նախկինում նա համահիմնադրել է Հայաստանի ազգային մրցունակության հիմնադրամը, որը պետական-մասնավոր գործակցություն էր՝ ստեղծված նախկին խորհրդային Հայաստանի Հանրապետությունում տնտեսական զարգացումը խթանելու նպատակով: Նա եղել է նաև այս հիմնադրամի Խորհրդի անդամ։
Լինելով տնտեսական ու գիտական առաջընթացի մեջ ներգաղթյալների ներգրավման ջատագով՝ 2020 թ. դոկտոր Աֆեյանն ստացել է «Խղճի կոչ» մրցանակը (Appeal of Conscience Award), իսկ 2017 թ. Նյու Ինգլանդի միջազգային ինստիտուտը նրան շնորհել է «Ոսկե դուռ» մրցանակը (Golden Door Award)` որպես արտերկրում ծնված ԱՄՆ քաղաքացի ամերիկյան հասարակության մեջ ներդրած իր նշանակալի ավանդի համար։
Ռուբեն Վարդանյան
Ռուբեն Վարդանյանը հայկական արմատներով ռուս առաջատար գործարար է, սոցիալական ձեռներեց և վենչուրային բարերար, «Ավրորա» մարդասիրական նախաձեռնության համահիմնադիր։ Նա իր տիկնոջ՝ Վերոնիկա Զոնաբենդի հետ ներդրումներ է կատարում գլոբալ կրթության, Կայուն զարգացման նպատակների (SDG) և մարդասիրական խնդիրների լուծման ոլորտներում իրականացվող բազմաբնույթ ու լայնածավալ նախագծերում: Ռուբեն Վարդանյանն ու իր ընտանիքը տարբեր երկրների իրենց գործընկերների հետ ավելի քան 1.5 մլրդ ԱՄՆ դոլարի կոմերցիոն և բարեգործական բնույթի ներդրումներ են կատարել սոցիալ-ձեռնարկատիրական նախագծերում աշխարհով մեկ, որոնք ուղղված են մարդու զարգացումը խթանող ներառական էկոհամակարգի ստեղծմանը: Այդ նախագծերից են «Ավրորա» մարդասիրական նախաձեռնությունը, Հայաստանի գիտության և տեխնոլոգիաների հիմնադրամը (FAST), Ռուսաստանի ՍԿՈԼԿՈՎՈ բիզնես դպրոցը և UWC Դիլիջան միջազգային դպրոցը Հայաստանում, զբոսաշրջության եւ ուրբանիստական զարգացման, ինչպես նաեւ Հայաստանում եւ արտերկրում մշակութային ու պատմական ժառանգության պահպանման ծրագրեր, առեւտրային, հետազոտական ու կրթական ծրագրեր՝ կապված իրավահաջորդության ու ժառանգորդության պլանավորման հետ, մարդասիրության մասնագիտացմանն ուղղված սոցիալ-ձեռնարկատիրական նախագծեր, էկոլոգիական հարթակը եւ բազմաթիվ այլ ծրագրեր:
1990-ականների վերջում եւ 2000-ականների սկզբին Ռուբեն Վարդանյանն այն խմբում էր, որը նախաձեռնեց Ռուսաստանի եւ Հայաստանի ապագայի մասին հանրային քննարկում: 1999 թ. արհեստավարժ այլ կառավարիչների հետ Մոսկվայում նա հիմնադրեց «Ակումբ 2015»-ը, իսկ 2002-ին հայկական ծագումով ամերիկացի գյուտարար, ձեռներեց և բարերար Նուբար Աֆեյանի եւ այլ գործընկերների հետ նա սկսեց «Հայաստան 2020» նախագիծը: Ռուբեն Վարդանյանի և նրա գործընկերների՝ այսօրվա զարգացման ուղղված շատ ծրագրեր այս նախաձեռնությունների ուղղակի արդյունքն են:
Ձեռնարկատիրական գործունեության եւ բարեգործության համար Ռուբեն Վարդանյանն արժանացել է ռուսական ու միմջազգային բազմաթիվ մրցանակների։ Դրանցից են կրթության զարգացման գործում ունեցած ներդրման համար շնորհված «AIB Նախագահական մրցանակը» և «Common Ground Awards»-ը, որ շնորհվում է «Search for Common Ground» միջազգային ոչ առեւտրային կազմակերպության կողմից՝ հակամարտությունների կարգավորման, տեղական համայնքների զարգացման եւ խաղաղության ամրապնդման բնագավառներում ակնառու ձեռքբերումների համար։ 2001 թվականին «Fortune» ամսագիրը նրան անվանեց «նոր սերնդի 25 ծագող աստղերից մեկը», իսկ Համաշխարհային տնտեսական ֆորումը նրան դասեց աշխարհի ապագա 100 առաջնորդների շարքը: Ռուբեն Վարդանյանը Սուրբ Գրիգոր Լուսավորիչ (Հայաստանյայց առաքելական եկեղեցու բարձրագույն պարգեւ) և Սուրբ Մեսրոպ Մաշտոցի շքանշանակիր է, որոնք ստացել է ազգային շահերի պաշտպանության գործում իր ունեցած նշանակալի ավանդի եւ ի շահ Հայաստանի բազմամյա ու բեղմնավոր գործունեության համար։
Դոկտոր Նուբար Աֆեյան
Դոկտոր Նուբար Աֆեյանը Flagship Pioneering ընկերության հիմնադիրն է և գլխավոր գործադիր տնօրենը։ Ընկերությունը բացառիկ ձեռնարկություն է, որը մարդու առողջության ու մարդկային կայուն զարգացման բարելավման նպատակով ծրագրում, ստեղծում, ռեսուրսներ է մշակում և զարգացնում կենսագիտական առաջնակարգ ընկերություններ: Բիոքիմիայի ինժեներ, ձեռներեց դր. Աֆեյանը գրանցել է 100-ից ավելի արտոնագրեր և իր աշխատանքային 33-ամյա գործունեության ընթացքում համահիմնել ու օգնել է հիմնելու կենսագիտական ու տեխնոլոգիական ավելի քան 60 նորաստեղծ ընկերություն։ Նա COVID-19 (կորոնավիրուս) գլոբալ համավարակի դեմ պայքարի շրջանակում ՌՆԹ պատվաստանյութեր արտադրող նորարարական առաջատար ընկերության՝ «Մոդերնայի» համահիմնադիրն ու նախագահն է և մի շարք մասնավոր ու պետական ընկերությունների խորհուրդների անդամ։
Խորապես հավատալով, որ ձեռներեցությունը հմտությունների և փորձառությունների ամբողջություն է, որը կարելի է դնել մասնագիտական հիմքերի վրա և սովորեցնել՝ դր. Աֆեյանը դասախոսել է Հարվարդի բիզնես դպրոցում և ավագ դասախոս է եղել Մասաչուսեթսի տեխնոլոգիական համալսարանում (MIT), որտեղ ավելի քան երկու տասնամյակ դասավանդել է տեխնոլոգիական ձեռներեցություն եւ նորարարություն։
Նա արժանացել է Համաշխարհային տնտեսական ֆորումի (WEF) «Տեխնոլոգիական առաջամարտիկ 2012» (Technology Pioneer 2012 ) մրցանակին, 2021 թ. հայրենի Լիբանանից պարգեւատրվել է Ազգային պատվո շքանշանով, 2016 թ. Կարնեգի կորպորացիայից ստացել է «Մեծ ներգաղթյալ» պատվավոր կոչումը (Great Immigrant honor) եւ 2008 թ. պարգեւատրվել է Էլիս Այլենդի Պատվո շքանշանով (Ellis Island Medal of Honor)։
Դոկտոր Աֆեյանը MIT կորպորացիայի (ինստիտուտը կառավարող մարմնի) և Բոստոնի սիմֆոնիկ նվագախմբի հոգաբարձուների խորհրդի անդամ է: Իր գործընկերների հետ միասին Աֆեյանը նախաձեռնել և աջակցել է բարեգործական ծրագրեր, որոնց թվում են «Հայաստանի զարգացման նախաձեռնություններ» (IDeA) հիմնադրամը, UWC Դիլիջան դպրոցը, Հայաստանի գիտության և տեխնոլոգիաների հիմնադրամը (FAST) և «Ավրորա» մարդասիրական նախաձեռնությունը՝ աշխարհի ամենահրատապ մարդասիրական խնդիրների նկատմամբ իրազեկություն բարձրացնելու համար: Նախկինում նա համահիմնադրել է Հայաստանի ազգային մրցունակության հիմնադրամը, որը պետական-մասնավոր գործակցություն էր՝ ստեղծված նախկին խորհրդային Հայաստանի Հանրապետությունում տնտեսական զարգացումը խթանելու նպատակով: Նա եղել է նաև այս հիմնադրամի Խորհրդի անդամ։
Լինելով տնտեսական ու գիտական առաջընթացի մեջ ներգաղթյալների ներգրավման ջատագով՝ 2020 թ. դոկտոր Աֆեյանն ստացել է «Խղճի կոչ» մրցանակը (Appeal of Conscience Award), իսկ 2017 թ. Նյու Ինգլանդի միջազգային ինստիտուտը նրան շնորհել է «Ոսկե դուռ» մրցանակը (Golden Door Award)` որպես արտերկրում ծնված ԱՄՆ քաղաքացի ամերիկյան հասարակության մեջ ներդրած իր նշանակալի ավանդի համար։
Արմեն Մկրտչյան
Արմեն Մկրտչյանը «Flagship» ընկերության ավագ տնօրեն է: Նա աշխատում է նախագծերի լայն շրջանակի վրա՝ ներառյալ առողջության անվտանգությունը, ամբողջ ընկերությունում արհեստական ինտելեկտի/մեքենայացված ուսուցման ինստիտուցիոնալացումը և օժանդակում է «Flagship» տարբեր պորտֆելային ընկերությունների աճին:
Արմենը «Flagship» ընկերությանն է միացել «McKinsey & Company»-ից, որտեղ եղել է կրտսեր գործընկեր և Ապագա շարժունակության ՄըՔինզի կենտրոնի համաղեկավար: Նա ղեկավարել է խոշոր կորպորատիվ վերափոխումները, հաճախորդների զարգացման ջանքերը և գործել է ռազմավարության ու գործառնությունների ներգրավումների ուղղությամբ՝ կենտրոնանալով ավտոմոբիլային, ավիացիոն և բարձր տեխնոլոգիաների ու էլեկտրոնիկայի ոլորտներում արհեստական բանականության ներգործության վրա: Մինչ այդ նա Հայաստանի ամերիկյան համալսարանի դոցենտ էր: ՀԱՀ-ում Արմենը դասավանդել է շրջանավարտների մակարդակի ծրագրաշարային ինժեներութան դասընթացներ և հիմնել Ձեռնարկատիրության և արտադրանքի նորարարության կենտրոն (EPIC)՝ Հայաստանում ձեռնարկատիրության գիտելիքների և պրակտիկայի առաջխաղացմանը միտված ինկուբացիոն կենտրոն: Որպես EPIC-ի հիմնադիր տնօրեն, նա մշակել է Կենտրոնի գաղափարն ու նպատակները և հաստատել համագործակցություններ:
Արմենը օդագնացության և տիեզերագնացության գծով գիտությունների դոկտորի գիտական աստիճան է ստացել Մասաչուսեթսի տեխնոլոգիաների ինստիտուտից (MIT), իսկ բակալավրի կոչումն ստացել է Հյուսիսային Դակոտայի համալսարանից՝ էլեկտրական ճարտարագիտություն (summa cum laude) մասնագիտությամբ:
Լիանա Յորդանյան
Լիանա Յորդանյանը IDeA հիմնադրամի Գործառնությունների գծով տնօրենն է: Նա նաև հիմնադրամի իրավաբանական հարցերով տնօրենն է: Մասնագիտական գործունեության ընթացքում Լիանան իրավական կարևոր խնդիրների և բազմամիլիոն դոլար արժողությամբ գործարքների վերաբերյալ խորհրդատվություն է տրամադրել խոշոր ընկերությունների, բանակցել է նրանց անունից, ինչպես նաև զբաղվել տարբեր ոլորտների դատական գործերով: Նա ստեղծել և ղեկավարել է բարձր արդյունավետությամբ աշխատող թիմեր, որոնք բազմաբնույթ հարցերի վերաբերյալ իրավաբանական ծառայություններ են մատուցել խոշոր բիզնեսների և գլոբալ կազմակերպությունների:
Լիանան խորհրդատվություն է տրամադրել ԱՄՆ Միջազգային զարգացման գործակալությանը և Համաշխարհային բանկին օրենքի նախագծի մշակման վերաբերյալ։
Նա մի շարք կազմակերպությունների խորհրդի անդամ է, որոնց գործունեությունն ուղղված է մարդասիրական նպատակներին և մասնագիտական զարգացմանը:
Լիանան փաստաբան է, Հայաստանի Հանրապետության փաստաբանների պալատի անդամ է։
Լիանան իրավագիտության մագիստրոսի աստիճանն ստացել է Բոստոնի համալսարանում և ԱՄՆ-ում զբաղվել է իրավաբանական գործունեությամբ:
Արման Ջիլավյան
Արման Ջիլավյանը ղեկավարում է «Ավրորա» մարդասիրական նախաձեռնությունը, որը հայկական փորձառությունը վերածում է «Երախտագիտությունն՝ ի գործ» համաշխարհային շարժման: Արման Ջիլավյանը ղեկավարում է «Հայաստան 2041» հիմնադրամը: Նա ունի ավելի քան 20 տարվա աշխատանքային փորձ հրատարակչության, հաղորդակցության և լրատվամիջոցների կառավարման որոտում․ 2011 թ.-ին նա ստացել է «Մեդիա մենեջեր» մրցանակը: Որպես IDeA բարեգործական հիմնադրամի խորհրդի նախագահ, «Դիլիջան Դեվելոփմենթ հիմնադրամի» խորհրդի նախագահ և UWC Դիլիջան միջազգային դպրոցի Կառավարման խորհրդի անդամ՝ Արման Ջիլավյանն ակտիվորեն ներգրավված է Հայաստանում զարգացման և կրթական մի շարք նախաձեռնություններում: