Կորոնավիրուսի վտանգը փախստականների համար

Սիրով հրավիրում ենք Ձեզ «Կորոնավիրուսի վտանգը փախստականների համար» թեմայով առցանց քննարկմանը, որը տեղի կունենա 2020 թ. հունիսի 19-ին։

Aurora Dialogues առցանց քննարկումը կանդրադառնա այն խնդրին, թե ինչպես է կորոնավիրուսի համավարակն անակնկալի բերել աշխարհը եւ լրացուցիչ խնդիրներ ստեղծել փախստականների ու այլ խոցելի համայնքների համար: Քննարկման ընթացքում «Ավրորա» մրցանակի երկու դափնեկիրները, որոնք իրենց կյանքը նվիրել են ուրիշներին փրկելու գործին եւ սեփական փորձով գիտեն՝ ինչպես գործել ճգնաժամի պահին, կխոսեն, թե ինչ հետեւանքներ այն կունենա կարիքավորների վրա:

Բանախոսներ՝

• Մարգարիտ Բարանկիցե` «Խաղաղության տան» (Maison Shalom) հիմնադիր, 2016 թ. «Ավրորա» մրցանակի դափնեկիր;
• Միրզա Դինայի` «Լյուֆթբրյուքե Իրաք» (Օդային կամուրջ Իրաք) կազմակերպության համահիմնադիր եւ տնօրեն, 2019 թ. «Ավրորա» մրցանակի դափնեկիր։

Մոդերատոր՝ 

• Սաշա Չանոֆ` Refuge Point կազմակերպության համահիմնադիր եւ գործադիր տնօրեն, «Ավրորա» մրցանակի Փորձագետների խորհրդի անդամ։

Քննարկման լեզուն՝ անգլերեն, համաժամանակյա հայերեն եւ ռուսերեն թարգմանության հնարավորությամբ: 

Քննարկման ամսաթիվ եւ ժամ՝ հունիսի 19, Երևանի ժամանակով` 19:00 (GMT+4), Մոսկվայի ժամանակով՝ 18:00 (GMT+3), Լոնդոնի ժամանակով՝ 16:00 (GMT), Նյու Յորքի ժամանակով՝ 11:00 (EDT):

Մասնակցությունն անվճար է նախնական գրանցման կամ մեր Ֆեյսբուքյան էջի հեռարձակման միջոցով: Խնդրում ենք նկատի ունենալ, որ հայերեն կամ ռուսերեն համաժամանակյա թարգմանությունը հասանելի կլինի միայն Zoom-ով գրանցված մասնակիցներին:

Բանախոսներին ուղղված հարցերը կարող եք ուղարկել մեզ մինչև քննարկման սկիզբը FuturesStudio@rvvzfoundation.org հասցեով։