Հուլիսի 24-ին` Երևանի ժամանակով 17:00-ին (GMT+4) տեղի կունենա քննարկում ՀՀ արվեստի վաստակավոր գործիչ, պրոֆեսոր, Երևանի Հ.Թումանյանի անվ. պետական տիկնիկային թատրոն գեղարվեստական ղեկավար Ռուբեն Բաբայանի, ՀՀ արվեստի վաստակավոր գործիչ, Երևանի Փոքր թատրոնի գեղարվեստական ղեկավար, Դիլիջանի համայնքային կենտրոնի թատերական ստուդիայի հիմնադիր և գեղարվեստական ղեկավար Վահան Բադալյանի և լրագրող, արվեստի քննադատ Նունե Հախվերդյանի մասնակցությամբ։ Հանդիպումը կվարի ԱյԴիԱ Բարեգործական Հիմնադրամի մշակութային ծրագրերի ղեկավար Էլեոնորա Մալխասյանը։
Համավարակը ստիպեց շատ բան վերաիմաստավորել, հասկանալ, վերաշարադրել և վերանայել: Մեր թատրոնի փորձագետները կքննարկեն հետևյալ հարցերը.
- Ի՞նչպես ազդեց այս ժամանակահատվածը Հայաստանի թատրոնների վրա:
- Ինչպիսի՞ն կլինի թատրոնը երկար «ընդմիջումից» հետո:
- Ինչպիսի՞ն է նրա ապագա թատերական գործիչների կարծիքով:
Քննարկման լեզուն՝ հայերենն է:
Քննարկման օր եւ ժամ՝ հուլիսի 24-ին, Երևանի ժամանակով՝ 17:00 (GMT+4), Մոսկվայի ժամանակով՝ 16:00 (GMT+3), Լոնդոնի ժամանակով՝ 14:00 (GMT+1), Նյու Յորքի ժամանակով՝ 09:00 (EDT):
Մասնակցությունն անվճար է նախնական գրանցման (խնդրում ենք գրանցվել այստեղ) կամ մեր Ֆեյսբուքյան էջի հեռարձակման միջոցով:
Բանախոսներին ուղղված հարցերը կարող եք ուղարկել մեզ մինչև քննարկման սկիզբը discussion@futures-studio.org հասցեով։
