Հարց ու պատասխան UWC Դիլիջանի դպրոցի կարիերայի և համալսարանական խորհրդատու Հարվի Միլլերի հետ:
Ինչպե՞ս է COVID-19 համավարակը անդրադարձել համալսարաններում ընդունելության ընթացքի վրա: Ի՞նչ է տեղի ունենում համալսարանական առաջարկների և կրթաթոշակների հետ: UWC Դիլիջանի դպրոցի կարիերայի և համալսարանական խորհրդատու Հարվի Միլլերը կպատասխանի համալսարանական ընդունելությունների վերաբերյալ հարցերի:
Վեբինարին նաև կմասնակցեն ներկայացուցիչներ հետևյալ համալսարաններից՝
- Բրաունի համալսարան
- Քեյս Վեսթերն Ռեզերվ համալսարան
- Միդըլբերի քոլեջ
- Յեյլ - Սինգապուրի ազգային համալսարան քոլեջ
Ծրագիր
- Համալսարանների արձագանքը COVID-19-ին
- Ինչ պետք է իմանալ 2020-ին համալսարան ընդունված դիմորդներին
- COVID-19-ի ազդեցությունը համալսարանների հետագա ընդունելության և կրթաթոշակների հնարավորությունների վրա
- Համալսարանական խորհրդատվությունը UWC Դիլիջանում
Վարող՝ Պրիյանկա Մահաթ, UWC Դիլիջանի երկրորդ կուրսի ուսանող, ԱՄՆ Բրաունի համալսարանի ապագա ուսանող:
Բանախոսների մասին
Հարվի Միլլեր, կարիերայի և համալսարանական խորհրդատու
Հարվի Միլլերը Յեյլի համալսարանի շրջանավարտ է: Ավարտելուց հետո Բոստոնում գտնվող ավագ դպրոցներից մեկում զբաղվել է հետազոտական աշխատանքով: Հայրենի Ճամայկա վերադառնալուց հետո օգնում էր մի կազմակերպության, որը նրան տարիներ առաջ աջակցել էր ԱՄՆ-ում համալսարան դիմելու և ընդունվելու հարցում: Ավելի քան 10 տարի անց նա սկսեց աշխատել համալսարանական և մասնագիտական կողմնորոշման ոլորտում և մեկնեց Ճամայկայից: Նախքան Հայաստան տեղափոխվելը Հարվի Միլլերը աշխատել է Չինաստանում և Կոստա Ռիկայի UWC դպրոցում:
Պրիյանկա Մահաթ, Նեպալ, UWC Դիլիջանի 2020-ի շրջանավարտ
Պրիյանկա Մահաթը շուտով կավարտի ուսումը UWC Դիլիջանում: Վերջին տարիներին նա ՄԱԿ-ի մոդել խորհրդաժողովի ակտիվ անդամ է, ինչպես նաև աշխատել է հասարակական կազմակերպություններում՝ նպաստելով Նեպալում գյուղական համայնքների կենսակերպի բարելավմանը: UWC Դիլիջանում ուսանողական խորհրդի անդամ է եղել և առաջնորդել է այնպիսի միջոցառումներ, ինչպիսին են Կանանց միջազգային օրը Հայաստանում և ՄԱԿ-ի մոդել խորհրդաժողովը: Պրիյանկան ընդունվել է Բրաունի համալսարան, ուսումնասիրելու է միջազգային հարաբերություններ՝ մարդու իրավունքներ և զարգացում մասնագիտացմամբ:
2020թ. ապրիլ 29, 15:00 Երևան (GMT+4), 14:00 Մոսկվա, 12:00 Լոնդոն (GMT), 07:00 Նյու Յորք
Վեբինարի լեզուն անգլերենն է:
Տևողությունը մեկ ժամ է:
Կարող եք միանալ վեբինարին Zoom հղումով (խնդրում ենք գրանցվել ստորև) կամ դիտել Facebook-ի ուղիղ հեռարձակումը:
