Հրավիրում ենք ձեզ դառնալու մեր միջոցառումների հյուրն ու մասնակիցը Futures Studio քննարկումների հարթակում (Երևան, Բաղրամյան 6): Հայաստանի և հայության ապագայի ծավալուն թեմային են նվիրված պանելային քննարկումները, կլոր սեղանները, հրավիրված փորձագետների բանախոսությունները, գրքերի շնորհանդեսները, կինոցուցադրությունները և քննարկումները: Մասնակցությունը մեր միջոցառումներին անվճար է, և թեպետ տեղերի քանակը ստուդիայում սահմանափակ է, ժամանակակից տեխնոլոգիաները բոլոր ցանկացողներին հարթակ վիտուալ մուտքի հնարավորություն են տալիս: Futures Studio-ն ունի իր կանոնակարգը, հարթակում վարվեցողության որոշակի կանոններ են գործում, և մենք խնդրում ենք մեր հյուրերին նախապես ծանոթանալ դրանց: Մեր ցանկությունն է, որ միջոցառումների մասնակիցները հետագայում ինքնակազմակերպվեն աշխատանքային խմբերով, որպեսզի շարունակեն մտքերի փոխանակությունը և հետագա գործողությունների որոշակի առաջարկություններ ու ծրագրեր ներկայացնեն:
Հուլիսի 24-ին` Երևանի ժամանակով 17:00-ին (GMT+4) տեղի կունենա քննարկում ՀՀ արվեստի վաստակավոր գործիչ, պրոֆեսոր, Երևանի Հ.Թումանյանի անվ. պետական տիկնիկային թատրոն գեղարվեստական ղեկավար Ռուբեն Բաբայանի, ՀՀ արվեստի վաստակավոր գործիչ, Երևանի Փոքր թատրոնի գեղարվեստական ղեկավար, Դիլիջանի համայնքային կենտրոնի թատերական ստուդիայի հիմնադիր և գեղարվեստական ղեկավար Վահան Բադալյանի և լրագրող, արվեստի քննադատ Նունե Հախվերդյանի մասնակցությամբ։ Հանդիպումը կվարի ԱյԴիԱ Բարեգործական Հիմնադրամի մշակութային ծրագրերի ղեկավար Էլեոնորա Մալխասյանը։
Հուլիսի 17-ին` Երևանի ժամանակով 17:00-ին (GMT+4) տեղի կունենա քննարկում բ․գ․թ․, դոցենտ, Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի տնօրենի տեղակալ, Երևանի պետական բժշկական համալսարանի հիգիենա և էկոլոգիա ամբիոնի ավագ դասախոս Քրիստինա Վարդանյանի և բժիշկ Արմեն Մինասյանի մասնակցությամբ։
Հուլիսի 15-ին` Երևանի ժամանակով 17:00-ին (GMT+4) տեղի կունենա Գյումրիում իրականացված ուսումնասիրության թեմայով վեբինար, որի ընթացքում մենք բանախսները կքննարկեն․