Հրավիրում ենք ձեզ դառնալու մեր միջոցառումների հյուրն ու մասնակիցը Futures Studio քննարկումների հարթակում (Երևան, Բաղրամյան 6): Հայաստանի և հայության ապագայի ծավալուն թեմային են նվիրված պանելային քննարկումները, կլոր սեղանները, հրավիրված փորձագետների բանախոսությունները, գրքերի շնորհանդեսները, կինոցուցադրությունները և քննարկումները: Մասնակցությունը մեր միջոցառումներին անվճար է, և թեպետ տեղերի քանակը ստուդիայում սահմանափակ է, ժամանակակից տեխնոլոգիաները բոլոր ցանկացողներին հարթակ վիտուալ մուտքի հնարավորություն են տալիս: Futures Studio-ն ունի իր կանոնակարգը, հարթակում վարվեցողության որոշակի կանոններ են գործում, և մենք խնդրում ենք մեր հյուրերին նախապես ծանոթանալ դրանց: Մեր ցանկությունն է, որ միջոցառումների մասնակիցները հետագայում ինքնակազմակերպվեն աշխատանքային խմբերով, որպեսզի շարունակեն մտքերի փոխանակությունը և հետագա գործողությունների որոշակի առաջարկություններ ու ծրագրեր ներկայացնեն:
Հունիսի 26-ին` Երևանի ժամանակով 17:00-ին (GMT+4) տեղի կունենա քննարկում բժիշկ, բժշկական գիտությունների թեքնածու, ինտերվենցիոն սրտաբան Նարեկ Կարապետյանի հետ։ Փորձագետի հետ հանդիպումը կվարի «Ճամփաբաժանին» ձեռագրի համահեղինակ Նունե Ալեքյանը։
Հունիսի 25-ին` Երևանի ժամանակով 19:00-ին (GMT+4) տեղի կունենա քննարկում PhD, վիրուսաբան, FAST-ի հետազոտությունների ավագ վերլուծաբան Հովակիմ Զաքարյանի և PhD MBA MD, FAST-ի ավագ գիտաշխատող Անդրե Սերոբյանի մասնակցությամբ։ Փորձագետների հետ հանդիպումը կվարի Արմեն Մինասյանը։
Սիրով հրավիրում ենք մասնակցելու «COVID-19․ համաշխարհային համագործակցության հաջողությունն ու ուղիները» թեմայով առցանց վեբինարին, որը տեղի կունենա հունիսի 24-ին՝ ժամը 16:00-ին (GMT+4)։