Օգոտոսի 19-ին` Երևանի ժամանակով 19:00-ին (GMT+4) կանցկացվի քննարկում, որին կմասնակցեն Վերաինտեգրման եւ զարգացման կենտրոնի եւ Կոնգոյի Դեմոկրատական Հանրապետության «Սուրբ Դանիել Քոմբոնի» մանկաբուժական կլինիկայի համահիմնադիր Անժելիկ Նամայկան; Աֆղանստանի կրթության ինստիտուտի հիմնադիր եւ գործադիր տնօրեն Սաքինա Յակուբին; SOS Méditerranée (SOS Միջերկրարական) կազմակերպության համահիմնադիր Սոֆի Բոն; Սոմալիի «Էլման» խաղաղության եւ մարդու իրավունքների կենտրոնի ղեկավար Իլվադ Էլմանը։ Հանդիպումը կվարի Հարավային Կալիֆոռնիայի համալսարանի Հայագիտության ինստիտուտի տնօրեն Սալբի Ղազարյանը։
Aurora Dialogues առցանց քննարկմանը կանդրադառնան հերոսների անցած ուղուն եւ ծրագրերին՝ ընդլայնելու միջազգային իրազեկությունը խնդիրների եւ դրանց պատճառների վերաբերյալ, որոնց նրանք առնչվում են աշխարհն ավելի լավը դարձնելու ճանապարհին:
Քննարկման լեզուն՝ անգլերեն, համաժամանակյա հայերեն և ռուսերեն թարգմանության հնարավորությամբ:
Քննարկման օր եւ ժամ՝ օգոստոսի 19-ին, Երևանի ժամանակով՝ 19:00 (GMT+4), Մոսկվայի ժամանակով՝ 18:00 (GMT+3), Լոնդոնի ժամանակով՝ 16:00 (GMT+1), Նյու Յորքի ժամանակով՝ 11:00 (EDT):
Մասնակցությունն անվճար է նախնական գրանցման (խնդրում ենք գրանցվել այստեղ) կամ մեր Ֆեյսբուքյան էջի հեռարձակման միջոցով: Խնդրում ենք նկատի ունենալ, որ հայերեն և ռուսերեն համաժամանակյա թարգմանությունը հասանելի կլինի միայն Zoom-ով գրանցված մասնակիցներին:
Բանախոսներին ուղղված հարցերը կարող եք ուղարկել մեզ մինչև քննարկման սկիզբը discussion@futures-studio.org հասցեով։
