«Անի» նախագիծը

Անին միջնադարում մեծ քաղաք էր, մայրաքաղաք, որտեղ հատվում էին համաշխարհային առևտրային ուղիները՝ Արևմուտքը կապելով Արևելքի հետ, Հյուսիսը՝ Հարավի: Այս քաղաքը հայոց աշխարհի ձգողական կենտրոններից մեկն էր, և նրա անկումով 1045 թ. սկիզբ առավ  հայության՝ սեփական պետությունը կորցնելու ընթացքը՝ ձգվելով երկար հարյուրամյակներ: Ժամանակակից դիտահարթակի ստեղծումը, որտեղից միջնադարյան Անի մայրաքաղաքի զմայլելի տեսարանն է բացվում՝ «քառասուն դարպասների և քառասուն եկեղեցիների» քաղաքի, որ ավերվել է երկրաշարժերից ու նվաճողների ավերներից, մի գաղափար է, որը շուտով մարմնավորում է ստանալու: 

Ներկայիս Հայաստանի մայրաքաղաքից և մեծությամբ երկրորդ քաղաքից՝ Գյումրիից ոչ մեծ հեռավորությունը ապագա դիտահարթակը շահեկանորեն հասանելի է դարձնում: Հայկական եկեղեցիների՝ միջնադարյան ճարտարապետության գլուխգործոցների եզակի պատկերը, որի համար 2016 թ. Անին ընդգրկվել է ՅՈՒՆԵՍԿՕ-ի Համաշխարհային ժառանգության ցանկում, մի նոր բացառիկ տեսարժան վայր կդառնա զբոսաշրջության քարտեզում և գրավիչ կլինի աշխարհի տարբեր ծայրերից ժամանող ճանապարհորդների համար:

Նախագծի առնչությամբ հետաքրքրություն են ցուցաբերել արդեն միջազգային կազմակերպությունները և Հայաստանի կառավարությունը, որոնց հետ համագործակցությամբ էլ ծրագրվում է իրականացումը: Նախատեսվում է կառուցել բուն դիտահարթակը և բոլոր անհրաժեշտ ենթակառուցվածքները՝ մոտեցնող ճանապարհ, կայանատեղի, սրճարան, պուրակ և այլ հաստատություններ:

Նախագիծը հայեցակարգի մշակման և գործընկերների ներգրավման ամենավաղ փուլում է:

 

Ինչպե՞ս կարող եք աջակցել նախագծին.

  • նախագծի հայեցակարգային և ճարտարապետական դիզայն, 
  • հետազոտություններ և տվյալների հավաքում,
  • ֆոնդհայթայթման ռազմավարության մշակում՝ ներգրավելու մասնավոր դոնորներ, միջազգային և օտարերկրյա կազմակերպություններ ու գործընկերներ. 
  • թվային բովանդակության մշակում (օրինակ՝ դիտահարթակի համալիրի կայքը):

 

Կոնտակտային անձ՝ 

Ելենա Մուրադյան՝  Y.Muradyan@idea.am
Հեռախոս՝ +374 94 05 10

 

Ընթերցել {bookname}
Խնդրում ենք լրացնել ներքևի դաշտը ընթերցելու համար
ՁԵՐ ԱՆՈՒՆԸ
ՁԵՐ ԱԶԳԱՆՈՒՆԸ
Ձեր էլ. հասցեն
Ձեր տվյալներն արդեն կան մեզ մոտ
ՆԵՐԲԵՌՆԵՐ

Շնորհակալությո՜ւն գրանցման ձևը լրացնելու համար

Ձեզ ուղարկվել է հղում՝ Էլեկտրոնային հասցեի հաստատման համար։ Կայք մուտք գործելու և անհրաժեշտ փաստաթուղթը ներբեռնելու համար խնդրում ենք անցնել այդ հղումով։